Аннотации:
Мақала радикалды инновациялардың экономикалық дамуға, ұлттық және
жаһандық деңгейде әсерін зерттейді. Жылдам өзгеріп жатқан экономика мен өсіп келе жатқан
бәсекелестік жағдайында инновациялар өсудің негізгі күші болып табылады.
Зерттеудің өзектілігі радикалды инновациялардың ұйымдардың қаржылық
тұрақтылығына және корпоративтік стратегияларына әсерін түсінудің қажеттілігімен
түсіндіріледі.
Зерттеу барысында компаниялар арасында сауалнама жүргізілді, бұл әртүрлі ұйымдардағы
радикалды инновацияларды қабылдау және енгізу туралы мәліметтер жинауға мүмкіндік
берді. Арнайы назар инновациялық стратегиялардың қаржылық тұрақтылықты қамтамасыз
етудегі рөліне және “инновациялық амбассадор” концепциясына аударылады.
Жиналған деректерді талдау радикалды инновацияларды сәтті енгізуге ықпал ететін үздік
тәжірибелер мен стратегияларды анықтауға мүмкіндік береді. Зерттеудің нәтижелері
радикалды инновацияларды енгізудегі мәселелерді шешуге бағытталған ұсыныс береді.
