Abstract:
Қауіпті індет COVID-19 кезінде қашықтықтан оқытуға және
оқуға көшу оқытушылар үшін де, студенттер үшін де белгілі бір қиындықтар
тудырды. Әрбір мемлекет осы мәселеден түрлі ақпараттық технологиялар
арқылы шыққан болатын. Білім беру процесінде ақпараттық-коммуникациялық
технологияларды қолдану оқу материалдарын модельдеу, көрнекті ұсыну және
визуализациялау үшін өте тиімді болуы мүмкін. Мақаланың негізгі мақсаты
ретінде жоғары оқу орындарында қашықтықтан оқыту кезінде химия пәнін
оңай, әрі түсінікті тілде білім алушыларға көрсету жолында ақпараттық
технологияларды пайдалана білу болып табылады. Осы мақсатқа жету
барысында мақалада Л.Н. Гумилев атындағы Еуразия ұлттық университетінің
оқытушылары дәстүрлі форматқа көшкенге дейін қолданған бағдарлама туралы
айтылатын болады. Сонымен қатар, білім алушылардың қашықтықтан оқу
кезеңінде өз пікірлерін білдіру мақсатында сауалнама алынған болатын.
Сондай-ақ, онлайн оқыту форматы кезінде білім алушылардың қолданатын
ақпараттық технологиялары, соның ішінде электронды оқулық пен дәстүрлі
оқулық салыстырылады. Зерттеу барысында теориялық және эмпирикалық
әдістер қолданылады. Нәтижесінде қашықтықтан білім беру барысында
ақпараттық технологияларды қолданудағы білім алушылардың мүмкіндіктері
анықталды.
