Мыс-молибден кенінің бетіндегі натрий олеаты сорбциясының кинетикалық сипаттамалары, атап айтқанда активтену энтальпиялары, активтену энтропиялары және активтену энергиясы есептелді. Алғаш рет оксигидрильді жинағыштың полиметалл кенінің бетімен әрекеттесуінің термодинамикалық параметрлері анықталды. Сорбция процесін зерттеу бойынша жұмыстар статикалық жағдайларда жүргізілді. Сонымен қатар, натрий олеатын адсорбциялау кезінде энтальпия мен энтропия арасындағы компенсациялық әсер анықталды. Кен бетіндегі белсенді орталықтарға қатысты қатты және жұмсақ қышқылдық негіздер принципін қолдану бойынша нәтижелер алынды.